Orol dengizining shimolidagi Kichik Orol dengizida olib borilgan keng ko`lamli ishlar dengizda suv muvozanatining tiklana boshlashiga va faunaning jonlanishiga olib kelgan. Bu haqda kun.uz nashri xabar bermoqda.
Barchamizga ma`lumki, so`nggi 50 yil mobaynida suv hajmining 70 foizini yo`qotgan Orol dengizida jonlantirish ishlari mintaqa davlatlari hamda turli xalqaro tashkilotlar tomonidan olib borilmoqda. Jumladan, 2006 yilda Qozog`iston Jahon banki yordamida dengizning shimolida qurgan to`g`on Kichik Orol dengizining shakllanishiga olib keldi. Oxirgi yillarda dengiz atrofiga 5 ming kishi ko`chib o`tishi bilan mintaqa aholisi 72 ming kishiga etgan. Mintaqada baliqchilik yil sayin rivojlanib bormoqda.