Prezident “O`zbekiston Respublikasi Qurolli Kuchlari tashkil etilganligining 28 yilligi hamda Vatan himoyachilari kunini nishonlashga tayyorgarlik ko`rish va o`tkazish chora-tadbirlari to`g`risida”gi farmoyishni imzoladi.
Unga ko`ra, O`zbekiston Respublikasi Qurolli Kuchlari tashkil etilganligining 28 yilligi hamda Vatan himoyachilari kunini nishonlashga tayyorgarlik ko`rish va o`tkazishga bag`ishlangan vatanparvarlik oyligini 2019 yil 15-dekabrdan 2020 yil 15-yanvarga qadar o`tkazish bo`yicha tadbirlar Dasturi tasdiqlandi.
Farmoyishda Vatan himoyachilari kunining keng nishonlanishini ta`minlash davlat va jamoat tashkilotlarining birinchi navbatdagi vazifalaridan biri hamda har bir O`zbekiston Respublikasi fuqarosining sharafli burchi ekanligi ko`rsatib o`tilgan.
Shuningdek, ishchi guruh harbiy-ma`muriy sektorlar bilan hamkorlikda Dasturda belgilab berilgan bayram tadbirlarini “Vatanparvarlik – milliy yuksalish kafolati!” umumiy shiori ostida tashkiliy jihatdan yuksak saviyada amalga oshirish, davlat va jamoat tashkilotlarining rahbarlari tomonidan o`zlari tahsil olgan oliy ta`lim muassasalari, akademik liseylar, kasb-hunar kollejlari va umumta`lim maktablarida “Mardlik va jasorat” mavzusidagi darslar o`tkazishi belgilangan.
Xususan, “Vatanparvarlik oyligi” davomida “Harbiy-vatanparvarlik karvonlari”ning ta`lim muassasalariga tashrifini uyushtirish, maktabgacha ta`lim muassasalarining tayyorlov guruhlarida “Men ham Vatanimga xizmat qilaman!” mavzusidagi estafetalar, shuningdek, harbiy-vatanparvarlik mavzusidagi insho, surat, she`r va amaliy san`at hamda akademik lisey va kasb-hunar kollejlarida chaqiruvga tayyorlanayotgan o`spirin yoshlar o`rtasida “Men albatta harbiy bo`laman!” tanlovlarini o`tkazish, yoshlar o`rtasida, mahalla, tuman, shahar viloyat markazlarida vatanparvarlik ruhidagi turli aksiyalarni tashkil etish, buyuk bobolarimiz jasoratini ifodalovchi sahna ko`rinishlarini namoyish qilish kabi ko`plab vazifalar ko`zda tutilgan.
“Fuqarolarimizni vatanparvarlik oyligida faol bo`lishga, xalq va armiya birdamligini yanada mustahkamlashga munosib hissa qo`shishga chorlab qolamiz”, — deyiladi Mudofaa vazirliga Axborot va ommaviy kommunikasiyalar departamenti xabarida
16.12.2019, 12:24
Qurolli Kuchlar akademiyasida Mudofaa vazirligi tarbiyaviy va mafkuraviy ishlar organi xodimlarining kasb bayrami tantanali tarzda nishonlandi, deya xabar berdi Mudofaa vazirligi Axborot va ommaviy kommunikasiyalar...
06.10.2017, 09:55
O`zbekiston va Rossiya harbiy xizmatchilari hamkorligida o`tkazilayotgan maxsus taktik o`quv mashqlari doirasidagi tadbirlar bugun ham qizg`in kechdi. Ikki davlat tog` o`qchi bo`linmalari komandirlari ko`zda tutilgan...
