Amerika Qo`shma Shtatlarining Kasbiy siyosat markazi ijrochi direktori Efgan Nifti Toshkent shahridagi saylov uchastkalarida bo`lib, saylov jarayonlari bilan tanishdi.
Xalqaro kuzatuvchi Toshkent shahridagi 885- va 544 saylov uchastkalarida saylovchilarga yaratilgan shart-sharoitlarni ko`zdan kechirdi. Uchastka saylov komissiyasi a`zolari bilan suhbatlashdi va o`zini qiziqtirgan savollarga javob oldi.
Saylov uchastkalarida tayyorgarlikning borishi va saylov boshlangandan keyingi jarayon bilan tanishgan kuzatuvchi O`zbekistonda yangi Saylov kodeksi asosida saylovlarni o`tkazishga yaxshi tayyorgarlik ko`rilganiga yuqori baho berdi. Ovoz berish demokratik ruhda, shaffof muhitda, qonunchilikka mos o`tayotganini qayt etdi.