Bojxona to`lovlarini chetlab o`tishga bo`lgan urinishlarga qarshi keskin kurash olib borilmoqda. Kuni kecha ana shunday holatlardan yana biri aniqlandi. Jumladan mamlakatimizda faoliyat olib borayotgan mas`uliyati cheklangan jamiyatlardan birining nomiga xorijdan keltirilgan mato tovarlari Davlat bojxona qo`mitasi Kontrabanda va bojxona qonunchiligini buzgan holda respublikaga olib kirilishiga chek qo`yildi. Bu haqda Davlat bojxona qo`mitasi axborot xizmati xabar bermoqda.
Olib borilgan tekshiruvlar natijasida, matolar hujjatlarda ko`rsatilganidan 162 240 kv.metr ko`p bo`lib, hujjatlarda ko`rsatilganidan tovarlarning umumiy qiymati 676 million so`m ortiqcha ekanligi aniqlandi.
Hozirda yuqoridagi holat yuzasidan bojxona organlari tomonidan surishtiruv harakatlari davom ettirilmoqda.
