Божхона тўловларини четлаб ўтишга бўлган уринишларга қарши кескин кураш олиб борилмоқда. Куни кеча ана шундай ҳолатлардан яна бири аниқланди. Жумладан мамлакатимизда фаолият олиб бораётган масъулияти чекланган жамиятлардан бирининг номига хориждан келтирилган мато товарлари Давлат божхона қўмитаси Контрабанда ва божхона қонунчилигини бузган ҳолда республикага олиб кирилишига чек қўйилди. Бу ҳақда Давлат божхона қўмитаси ахборот хизмати хабар бермоқда.
Олиб борилган текширувлар натижасида, матолар ҳужжатларда кўрсатилганидан 162 240 кв.метр кўп бўлиб, ҳужжатларда кўрсатилганидан товарларнинг умумий қиймати 676 миллион сўм ортиқча эканлиги аниқланди.
Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.
