“Urgut” erkin iqtisodiy zonasi direktori J.Xaydarovning avtomobilda xalqaro yuk tashish uchun ruxsatnomalar o`z vaqtida berilmayotganligi to`g`risidagi murojaati Bosh prokuratura tomonidan ko`rib chiqildi.
Aniqlanishicha, erkin iqtisodiy zonasi ishtirokchisi hisoblangan “Kamalak Tekstil” va “YEC Gilam” MChJlar nomiga kelayotgan 73 ta yuk avtomobillar (granula mahsulotlari ortilgan) Turkmaniston Respublikasidan O`zbekiston Respublikasi hududiga kirish uchun ruxsatnomasi (xalqaro yuk tashishlar uchun) bo`lmaganligi sababli davlatlar chegarasida turib qolgan.
O`rganishda, Transport vazirligi tomonidan jamiyatlarga qarashli avtotransport vositalariga ruxsatnoma blankalarini berishda amaliy yordam so`rab, qo`shimcha 200 ta ruxsatnoma blankalari vakolatli organ “Turkmenavtoulaglar” Agentligiga yuborilib, jamiyatlarga qarashli yuk avtomobillar belgilangan manzil Samarqand viloyatiga to`liq etib kelishi ta`minlandi.
Bosh prokuratura tomonidan o`rganish natijalari bilan J.Xaydarovning murojaati qanoatlantirilgan.
