“Ургут” эркин иқтисодий зонаси директори Ж.Хайдаровнинг автомобилда халқаро юк ташиш учун рухсатномалар ўз вақтида берилмаётганлиги тўғрисидаги мурожаати Бош прокуратура томонидан кўриб чиқилди.
Аниқланишича, эркин иқтисодий зонаси иштирокчиси ҳисобланган “Kamalak Tekstil” ва “YEC Gilam” МЧЖлар номига келаётган 73 та юк автомобил (гранула маҳсулотлари ортилган) Туркманистон Республикасидан Ўзбекистон Республикаси ҳудудига кириш учун рухсатномаси (халқаро юк ташишлар учун) бўлмаганлиги сабабли давлатлар чегарасида туриб қолган.
Ўрганишда, Транспорт вазирлиги томонидан жамиятларга қарашли автотранспорт воситаларига рухсатнома бланкаларини беришда амалий ёрдам сўраб, қўшимча 200 та рухсатнома бланкалари ваколатли орган “Туркменавтоулаглары” Агентлигига юборилиб, жамиятларга қарашли юк автомобиллар белгиланган манзил Самарқанд вилоятига тўлиқ етиб келиши таъминланди.
Бош прокуратура томонидан ўрганиш натижалари билан Ж.Хайдаровнинг мурожаати қаноатлантирилган.
