Tailandda futbol bo`yicha U-23 Osiyo chempionati bahslaridagi 3-tur o`yinlar doirasida o`yinchilarimiz Janubiy Koreyaga yutqazgan bo`lsa ham chorak finalga yo`llanma olishdi.
Bu haqda Jismoniy tarbiya va sport vazirligi sayti xabar berdi. Musobaqada O`zbekiston olimpiya terma jamoasi Janubiy Koreya futbolchilariga qarshi to`p surishdi.
O`ta murakkab kechgan o`yinda hamyurtlarimiz 1:2 hisobida imkoniyatni boy berib qo`yishdi. Ammo, mag`lubiyatga qaramasdan futbolchilarimiz chorak final masalasini ijobiy hal etishdi.
Guruhning ikkinchi o`yinida Eron terma jamoasi vakillari xitoylik tengdoshlarini kichik 1:0 hisobida mag`lub etishdi. O`zbekiston va Eron olimpiya terma jamoalarining ochkolari soni bir xil 4 tani tashkil etdi.
To`plar nisbatidagi holat hamyurtlarimizga chorak final yo`llanmasini taqdim etdi.
U-23 Osiyo chempionati
O`zbekiston - Janubiy Koreya 1:2 (1:1, 0:1).
Tayland, Bangkok shahri. “Tammasat” stadioni.
Gollar: Bobir Abduholiqov (22) - Jong Sung Von (5), Oh Se Xun (71).
