Avval xabar qilganimizdek, Oliy Majlis Qonunchilik palatasida Qo`shma majlis bo`lib o`tmoqda.
Ayni paytda Prezident Shavkat Mirziyoevning ma`ruzasi eshitilyapti.
Davlat rahbari yaqin daqiqalarda Bosh vazirning tasdiqlanishi haqida so`z yuritib, hukumat vakillari oldida bir qancha og`riqli sohalarda qilinishi kerak bo`lgan vazifalar borligini ma`lum qildi.
Xususan, vazirlik va tashkilot rahbarlariga murojaat qilib, yillar davomida eng og`riqli bo`lgan sohalarni sanab berdi:
“Ularning eng avvalida yoqilg`i-energitika sohasi turibdi, yillar davomida bu soha korrupsiya botqog`iga botib ketdi. Shuningdek, Geologiya, Transport, Qurilish, Suv ta`minoti, Tadbirkorlik, Ish bilan ta`minlash, Uy-joy, Kommunal sohalarida bir necha yillardan buyon yig`ilib ketgan muammolar yotibdi.
Ushbu sohada faoliyat yuritayotgan rahbarlar o`z ishini to`laqonli eplay olmayapti. Birgina “O`zbekneftgaz”ga bir nechta rahbarlar kelib ketyapti, biroq ularning hech biri sohadagi muammolarni hal eta olgani yo`q. Juda ko`p vazirlar o`ziga topishirilgan vazifalarni bajara olmayapti. Bizda ana shunday muammolarni bartaraf etishga qodir kadrlar etishmaydi”
— deya ta`kidladi davlat rahbari. Shuningdek, Sog`liqni saqlash va Oliy ta`lim tizimini eng korrupsiyaga botib ketgan soha ekanligini alohida dalillar bilan qayd etdi.
