Afg`oniston sharqida G`azni viloyatida Ariana Afghan Airlines aviakompaniyasi samolyoti halokatga uchradi, bu xabarni hukumat ham tasdiqladi.
Dastlabki ma`lumotlar bo`yicha samolyot bortida 83 kishi bo`lgan, deb ma`lum qildi Ariana News.
G`azni viloyati hokimining vakili Orif Nuriyning aniqlik kiritishicha, halokat Dex Yak tumanida ro`y bergan.
Tolo News tarqatgan xabarda aytilishicha, halokat ro`y bergan joy “Tolibonlar” nazoratida turgan hudud hisoblanadi. Hozir u erga “maxsus kuchlar” jo`natilgan.
Ariana Afghan Airlines – Afg`oniston milliy aviakompaniyasi hisoblanib ofisi Kabulda joylashgan. Kompaniya hukumatga qarashli bo`lib, mamlakat ichida va xalqaro yo`nalishlarda parvozlarni amalga oshirib keladi.
