Turkmaniston tumanlaridan birida yuqori lavozimda ishlovchi qirq yoshdan oshgan erkaklarga sochini qoraga bo`yash taqiqlandi. Bu haqda Lenta.ru xabar berdi.
Turkmanistondagi ayrim byudjet tashkilotlari xodimlarining ta`kidlashicha bu taqiq og`zaki tartibda e`lon qilingan.
Aytishlaricha bu tartib mamlakat prezidentining shu hududga yaqin kunlarda tashrifi bilan bog`liq. Ya`ni prezident tashrifi chog`ida uni o`zi kabi oqsoch rahbarlar kutib olishi kerak.
Shu munosabat bilan barcha maktab va bog`chalarga Prezidentning sochi qoralik paytidagi portretlari o`rniga sochi oqargan vaqtidagi portretlarini ilishga buyruq berilgan.