Odatda sichqoncha kompyuterga ulanadi va barcha ishlar ana shu kichik texnik moslama yordamida amalga oshiriladi. E`tiboringizga havola etilayotgan bu sichqoncha kompyuter o`rnini o`zi bosa oladi, desak mubolag`a bo`lmaydi. Polshalik olimlar tomonidan yaratilgan Mouse-Box kompyuter sichqonchasini mini-kompyuter deyish mumkin.
Mouse-Box tashqi jihati va dizaynidan boshqa sichqonchalardan farq qilmaydi. Biroq u ARM Cortex to`rt yadroli protsessor, 1,4 GGts taktli chastota hamda 128 Gb hajmli xotiraga ega.
U ikki USB -porti va bir Micro –USBga ega. Qurilma displeyga ulanish uchun HDMI interfeysi, shuningdek, simsiz Wi-Fi tarmoqqa ulanish uchun ma`lumotlar uzatish moduli bilan jihozlangan.
Maxsus gilamchasi bir vaqtning o`zida uni uvvatlantirib turadi. Mouse-Box shunchaki sichqoncha hamda alohida kompyuter sifatida foydalanishi mumkin. Ayni vaqtda olimlar jamoasi ushbu kompyuter sichqonchasini ishlab chiqarish uchun munosib sherik izlashmoqda.
Manba: uz.infocom.uz
