Avval xabar berganimizdek, 2020 yil 10 fevral kuni Toshkent shahar, Chilonzor tumani, Bunyodkor shox ko`chasi yoqasi bo`ylab oqib o`tuvchi Anxor kanalidan oqayotgan suvdan yangi tug`ilgan, o`g`il bola jinsiga mansub chaqaloq murdasi topilgan.
Ayni paytda mazkur holat yuzasidan Chilonzor tumani prokuraturasi tomonidan JKning 99-moddasi (Onaning o`z chaqalog`ini qasddan o`ldirishi) bilan jinoyat ishi qo`zg`atilib, hozirda dastlabki tergov harakatlari olib borilmoqda, deya xabar berdi Bosh prokuratura Matbuot xizmati.
