Ijtimoiy tarmoqlarda Andijon viloyati hokimligi matbuot xizmati rahbari Mirzohid Botirov haqida bir qator xabarlar tarqaldi. Unda “Yoshlar olami” akkaunti egasining “Feysbuk” ijtimoiy tarmog`idagi suhbatlarning skrinshotlari e`lon qilingan.
Andijon viloyati hokimligi Matbuot xizmati ushbu xabarlar yuzasidan quyidagilarni ma`lum qiladi:
“Feysbuk” ijtimoiy tarmog`ida “Yoshlar olami” akkaunti bilan foydalanuvchi Mirzohid Botirovning ushbu akkaunti xakerlik hujumiga uchragan bo`lib, M.Botirov 2020 yilning 8 fevral kuni ushbu holatlardan xabar topgan va shu kunning o`zidayoq viloyat prokuraturasiga ariza bilan murojaat qilgan. Hozirda huquq-tartibot organlari tomonidan skrinshotdagi yozishmalar kim tomonidan olib borilganligiga aniqlik kiritilmoqda.
Ushbu xabarlar tafsiloti bo`yicha qo`shimcha ma`lumot taqdim etiladi.
