2020 yil 10 fevral kuni Toshkent irrigasiya va qishloq xo`jaligini mexanizasiyalash muhandislari institutida (TIQXMMI) Britaniya Kengashi ko`magida Kasbiy rivojlantirish markazining ochilish marosimi va ingliz tilida «English as a Medium Instruction — Ingliz tili maxsus maqsadlarda» xalqaro loyihasi doirasida xalqaro seminar bo`lib o`tdi.
Ochilish marosimda Oliy va o`rta maxsus ta`lim vaziri o`rinbosari U.Begimqulov, institut rektori O`.Umurzoqov, Britaniya Kengashi direktori Reychel Aylend, Buyuk Britaniya konsultantlari Rod Bolayto, Norvich til ta`limi institutidan Jeyson Skit va boshqalar ishtirok etdi.
«English as a Medium Instruction — Ingliz tili maxsus maqsadlarda» loyihasi o`qituvchilarga kasbiy rivojlanishlarida yordam berish va O`zbekiston ta`lim sohasidagi xorijiy tajribalarni joriy qilish uchun imkoniyat yaratish maqsadida tashkil etilgan.
Zamonaviy o`quv dasturlarini ishlab chiqishda xalqaro tajribaga asoslangan o`quv materiallarini takomillashtirish, shuningdek, Buyuk Britaniya mutaxassislari bilan maslahat uchrashuvlari, vebinar va seminarlar o`tkazish loyihaning asosiy vazifalaridan sanaladi.