14 fevral kuni soat 23.00 da Shayxontohur tumani navbatchilik qismiga kelib tushgan xabarga ko`ra, "Shodlik" mahallasidagi xonadonlardan birida janjal kelib chiqqan.
Voqea joyiga PPX va Milliy gvardiya xodimlari etib borishdi. Xodimlar mast holatda qo`lida pichoq ushlab turgan erkakni tinchlantirmoqchi bo`lganlarida, u Milliy gvardiya xodimiga tan jarohati etkazgan.
Ular 25 yoshli Botirjon Abdulazizovni qo`lga olib, Shayxontohur tumani IIO FMB 8-son IIBga holatni atroflicha o`rganish va qonuniy chora ko`rish uchun olib borishdi. Botirjon Abdulazizov muqaddam sudlangani aniqlandi.
