Davlat test Markazi Muxtor Avezov nomidagi Qozog`iston davlat universitetidan hujjatlarni O`zbekiston oliy ta`lim muassasalariga topshirgan talabalarga murojaat qildi.
O`zbekiston yoshlari umumjahon assosiasiyasiga kelib tushgan murojaatlar asosida assosiasiya tomonidan Qozog`iston Respublikasining Muxtor Avezov nomidagi Qozog`iston davlat universitetidagi jarayonlar o`rganildi.
Qozog`istonda jami 27 000 (kunduzgi — 30%, sirtqi – 70%) nafar xususan, Chimkent shahridagi oliy o`quv yurtlarida o`n besh mingta, birgina Muxtor Avezov universitetining o`zida 7080 ta o`zbekistonlik talabalar kunduzgi, sirtqi va masofaviy ta`lim olmoqda.
Universitet ma`muriyati talabalar o`qishni ko`chirish bo`yicha hujjatlarni olib O`zbekistonga topshirgandan so`ng o`qishga qaytmayotganini aytib, oliygohning ichki tartib qoidalariga ko`ra, agar talaba o`qishni 40 akademik soatdan oshiq qoldirsa, o`qishdan chetlashtirishini ma`lum qildi.
Universitet mutasaddilarning bergan ma`lumotiga ko`ra, ayrim talabalar fanlarni oxirigacha yopmay oliygohdan hujjat nusxalarni olgach, universitetga qaytib kelmagan. Ularning hujjatlarini qabul qilish bo`yicha O`zbekistonda muammolar yuzaga kelsa va yana Qozog`istonda davomat 40 soatdan oshib o`qishdan chetlashtirilsa, ta`limni davom ettirish bilan bog`liq ziddiyatlar kelib chiqishi mumkinligini ta`kidladi.
Shularni inobatga olgan holda, o`qishni O`zbekistonga ko`chirish maqsadida arizalarni topshirgan talabalardan qo`shni davlatlardagi oliy ta`lim muassasalarining ichki tartib–qoidalariga amal qilishlari hamda O`zbekiston oliy o`quv yurtlariga o`qishni ko`chirish masalasi hal bo`lgunga qadar ta`lim jarayonlarini davom ettirishlariso`raladi.
Qo`shni davlatlardan o`qishni ko`chirish istagidagi bo`lgan talabalarga O`zbekiston yoshlari umumjahon assosiasiyasi tomonidan ko`rsatiladigan konsultativ xizmatdan foydalanish uchun ☎️ +(998 99) 345 55 59 ishonch telefonlariga murojaat qilishingiz mumkinligini ma`lum qilamiz. Ishonch telefoniga Telegram, Imo, Instagram, Viber, WhatsApp , WeChat aloqa messenjerlari orqali murojaat qilish mumkin.
