Давлат тест Маркази Мухтор Авезов номидаги Қозоғистон давлат университетидан ҳужжатларни Ўзбекистон олий таълим муассасаларига топширган талабаларга мурожаат қилди.
Ўзбекистон ёшлари умумжаҳон ассоциациясига келиб тушган мурожаатлар асосида ассоциация томонидан Қозоғистон Республикасининг Мухтор Авезов номидаги Қозоғистон давлат университетидаги жараёнлар ўрганилди.
Қозоғистонда жами 27 000 (кундузги — 30%, сиртқи – 70%) нафар хусусан, Чимкент шаҳридаги олий ўқув юртларида ўн беш мингта, биргина Мухтор Авезов университетининг ўзида 7080 та ўзбекистонлик талабалар кундузги, сиртқи ва масофавий таълим олмоқда.
Университет маъмурияти талабалар ўқишни кўчириш бўйича ҳужжатларни олиб Ўзбекистонга топширгандан сўнг ўқишга қайтмаётганини айтиб, олийгоҳнинг ички тартиб қоидаларига кўра, агар талаба ўқишни 40 академик соатдан ошиқ қолдирса, ўқишдан четлаштиришини маълум қилди.
Университет мутасаддиларнинг берган маълумотига кўра, айрим талабалар фанларни охиригача ёпмай олийгоҳдан ҳужжат нусхаларни олгач, университетга қайтиб келмаган. Уларнинг ҳужжатларини қабул қилиш бўйича Ўзбекистонда муаммолар юзага келса ва яна Қозоғистонда давомат 40 соатдан ошиб ўқишдан четлаштирилса, таълимни давом эттириш билан боғлиқ зиддиятлар келиб чиқиши мумкинлигини таъкидлади.
Шуларни инобатга олган ҳолда, ўқишни Ўзбекистонга кўчириш мақсадида аризаларни топширган талабалардан қўшни давлатлардаги олий таълим муассасаларининг ички тартиб–қоидаларига амал қилишлари ҳамда Ўзбекистон олий ўқув юртларига ўқишни кўчириш масаласи ҳал бўлгунга қадар таълим жараёнларини давом эттиришларисўралади.
Қўшни давлатлардан ўқишни кўчириш истагидаги бўлган талабаларга Ўзбекистон ёшлари умумжаҳон ассоциацияси томонидан кўрсатиладиган консультатив хизматдан фойдаланиш учун ☎️ +(998 99) 345 55 59 ишонч телефонларига мурожаат қилишингиз мумкинлигини маълум қиламиз. Ишонч телефонига Телеграм, Имо, Инстаграм, Вибер, WҳатсАпп , WэЧат алоқа мессенжерлари орқали мурожаат қилиш мумкин.
