Turkiyadan evakuasiya uchun ro`yxat tuzish boshlandi. Bu haqda O`zbekistonning Anqaradagi Elchixonasi va O`zbekistonning Istanbul Bosh konsulxonasi bergan ma`lumotga asoslanib, O`zbekiston yoshlari umumjahon assosiasiyasining Turkiyadagi vakili Ergash Jumaev ma`lum qildi.
Turkiyada bo`lib turgan O`zbekiston Respublikasi fuqarolari koronavirus “CoVıD-2019” infeksiyasi tarqalishiga qarshi kurash jarayonida O`zbekistoning Turkiyadagi elchixonasi tomonidan “Istanbul-Toshkent” charter avia yo`nalishiga vatandoshlar ro`yxati tuzilmoqda.
Shu munosabat bilan O`zbekistonga qaytish istagida bo`lgan hamyurtlarimizdan pasport, aviabilet nusxasi va Turkiyadagi yashash joylari bo`yicha ma`lumotlarini +90537 668 49 60 (Telegram va WhasApp) raqamiga yuborishi so`raladi.
