Prezident Shavkat Mirziyoev tomonidan aholini ijtimoiy va tibbiy muhofaza qilishni kuchaytirish hamda biznes vakillarini qo`llab-quvvatlashga qaratilgan qo`shimcha chora-tadbirlar belgilab berildi Jumladan:
* Sog`liqni saqlash va moliya vazirliklariga 300 mingta ekspress-test va 500 ta sun`iy nafas oldirish apparati xarid qilish, xavf yuqori bo`lgan aholi punktlarida ko`chma laboratoriyalar tashkil etish vazifasi qo`yildi.
* Tibbiyot niqoblari ishlab chiqarishni kuniga 5 million donaga etkazish bo`yicha topshiriqlar berildi.
* Davlat organlari va nodavlat tashkilotlar o`z xodimlarining kamida 50 foizini haq to`lanadigan ta`tilga chiqarishi, qolganlar masofadan ishlashga o`tkazilishi zarurligi ta`kidlandi.
* Surunkali kasallikka chalinganlar hamda 60 yoshdan oshganlar tashqariga chiqmasligi, bunday xodimlar 100 foiz mehnat ta`tiliga chiqarilishi tavsiya etildi.
* O`zbekistonga olib kirilayotgan dori-darmonlar, substansiyalar, tibbiy texnika va boshqa zarur tovarlarni bojxona to`lovlaridan, shu jumladan, qo`shilgan qiymat solig`idan ozod qilish bo`yicha ko`rsatma berildi.
* 1 oktyabrga qadar tadbirkorlarning foydalanilmayotgan ob`ektlariga nisbatan mol-mulk va er solig`ining oshirilgan stavkalari qo`llanilmaydi.
* 1 noyabrga qadar koronavirus pandemiyasi tufayli moliyaviy qiyinchiliklarni boshidan kechirayotgan korxonalar bankrot deb e`lon qilinmaydi.
* Karantin muddati davomida tadbirkorlik sub`ektlari foydalanayotgan 3 ming 600 dan ortiq davlat mulki ob`ektlari bo`yicha ijara haqlarini undirish to`xtatiladi.
* Barcha loyihalar doirasida investisiyaviy majburiyatlarni bajarish muddatlari 6 oyga uzaytiriladi.
* Karantin davrida tadbirkorlarning hisob raqamini to`xtatib qo`yish taqiqlanadi.
* Aholiga tovarlarni etkazib berish hamda tashish xizmatlarini ko`rsatish uchun lisenziya olish talabi vaqtinchalik bekor qilinadi.