14 kunlik tibbiy kuzatuvda bo`lgan 250 nafar yurtdoshlarimizda Koronavirus aniqlanmadi, ularga uylariga qaytishga ruxsat berildi

COVID-19 Koronavirus infeksiyasi mamlakatimizga kirib kelishi va tarqalishini oldini olish maqsadida bir guruh vatandoshlarimiz xorijdan qaytarilmoqda. Xususan, “UFA-Andijon” 372-sonli poezdida Rossiyaning Moskva, Orenburg, Sankt-Peterburg va boshqa joylaridan Vatanga qaytgan 250 ta Andijonliklar Xonobod shahridagi “Aloviddin” oromgohida maxsus shifo maskanida kasalligi bo`lmasada, Jahon sog`liqni saqlash tashkiloti tavsiyalari asosida 14 kunlik tibbiy kuzatuvga olingan edi.

14 kunlik tibbiy kuzatuvda bo`lgan fuqarolarning 204 nafar erkak, 46 nafar ayol, bo`lib, ulardan 64 nafari Andijon viloyati, 63 nafari Farg`ona viloyati, 24 nafari Namangan viloyati, 7 nafari Toshkent shahar, 13 nafari Toshkent, 1 nafari Sirdaryo, 11 nafari Jizzax, 33 nafari Samarqand, 10 nafari Qashqadaryo, 11 nafari Surxondaryo, 2 nafari Navoiy, 3 nafari Buxoro, 7 nafari Xorazm viloyati va 1 nafari Qoraqalpog`iston Respublikasidan.

Kuzatuvda bo`lgan fuqarolarimiz chuqurlashtirilgan tibbiy ko`riklardan o`tkazildi. Maxsus testdan o`tkazilib tekshirilganda virus aniqlanmaganligi hamda kasallik tarqatish xavfi yo`qligini inobatga olib ular oilalari bag`riga qaytishga ruxsat berildi.

Viloyat hokimi nazoratida 250 nafar kasalligi bo`lmasada tibbiy kuzatuvda bo`lgan viloyatimiz fuqarolariga 3 mahal issiq ovqat, yaxshi yashash uchun sharoitlar yaratildi, shifokor va hamshiralar kun u-tun xizmatda bo`ldilar, 14 kun davomida nafaqat koronavirus, balki boshqa kasalliklar bor-yo`qligiga ham tekshirishlar o`tkazildi, zaruriy hollarda tibbiy yordamlar amalga oshirildi.

Tibbiy kuzatuvga olinganlarda fuqarolarda koronavirusning belgilari: Isitma, quruq yo`tal, nafas qisishi va boshqa holatlar kuzatilmadi.

Bugun ular karantin muddatini tamomladilar va o`z yashash viloyatlariga mamnuniyat bilan jo`nab ketishdi.