Ispaniyada 100 yoshga kirgan ayol koronavirusdan butunlay sog`aydi

Yuz yoshni qoralagan ayol koronavirusdan sog`ayib, uyiga javob berildi. Bemor Asturiya viloyatining Aviles shahridagi kasalxonada davolangan, deb xabar bergan Muxtoriyatlar hamjamiyati sog`liqni saqlash departamenti.

“Bugun biz uchun quvonchli kun. San Agustin de Aviles Universiteti kasalxonasida COVID-19 virusiga chalingan birinchi bemor tuzalib chiqdi. Gap 100 yoshga kirgan ayol haqida bormoqda.“, — deyiladi sog`liqni saqlash departamentining Twitterda tarqatgan xabarida.

2 aprelgacha Ispaniyada koronavirusga chalinish bo`yicha 110 mingta holat aniqlandi, ulardan 10 ming bemor vafot etdi. Asturiya viloyatida koronavirusni yuqtirib olganlar 1,4 mingga etgan, qurbonlar soni 69 kishini tashkil etdi, deyiladi mazkur xabarda.