AQShda yashayotgan o`zbekistonliklar asos solgan Amerikaning Immix BioPharma Inc. kompaniyasi rahbarlari koronavirus qarshi dori ishlab chiqdilar. Endi ular milliarder Alisher Usmonovga o`z dori vositalarini respublikamizda ishlab chiqarish va tarqatishda yordam so`rab xat yuborishdi, deb xabar bergan podrobno.uz muxbiri.
Eslatib o`tamiz, oldinroq taniqli tadbirkor va o`zbekistonlik mesenat Alisher Usmonov koronavirusga qarshi kurash uchun O`zbekistonga 20 million dollar ajratibgina qolmay, balki unga qarshi dori paydo bo`lishi bilan uni sotib olib kelishga va`da bergan edi.
Milliarderga yozgan xatida ta`kidlanganidek, Immix BioPharma Inc. Amerikaning MannKind farmasevtika kompaniyasi bilan hamkorlikda koronavirus natijasida kelib chiqqan o`tkir respiratorli asoratlarni oldini olish uchun ingalyatorning asosiy tarkibiy qismi bo`lgan quruq kukunni shakllantirish va tayyorlashga kirishdi. Shuningdek, kompaniya burun spreyi, ingalyator va tomir ichiga yuborish orqali koronavirus infeksiyasining tarqalishini oldini oladigan innovasion usullarni taklif etadi.
Doimiy rivojlanayotgan va o`zgarib turadigan patogenlarga qarshi vaksinalarni ishlab chiqishda an`anaviy yondashuvlardan farqli o`laroq, Immix BioPharma Inc. har yili alohida grippga qarshi emlash yoki turli xil virusli patogenlarning o`ziga xos molekulalarini nishonga asoslangan dorilar ishlab chiqqan. Dunyoda analogi bo`lmagan noyob nafas olish patogenlari uchun universal xavfsiz va ishonchli platforma va patentlangan nano-kapsullangan kurkumin kompozisiyasi:
"O`zbekiston Immix BioPharma Inc. bilan hamkorlikda noyob innovasion dori-darmonlarni chet elda chiqarishni buyurib, koronavirusning O`zbekistonda tarqalishini to`xtatish va tashqi bozorlarga eksport qilish imkoniyatiga ega. Bu, o`z navbatida, mamlakatni global biotexnologiya sanoatida birinchi o`ringa olib chiqadi", deydi dori ishlab chiqaruvchilari.
Immix fikriga ko`ra, hamkorlikdagi birinchi qadam koronavirus bilan kasallangan bemorlarni davolash uchun tomir ichiga yuborishdir, chunki birinchi dozadan keyin ikkinchi kuni bemorning ahvoli yaxshilanishi kutilmoqda. Avstraliya va Amerikadagi klinik sinovlarda saraton kasalligining to`rtinchi bosqichini davolashda ishlatiladigan dorilarni ishlab chiqqan o`zbekistonlik shifokorlar dunyoda birinchi bo`lib koronavirus bilan og`rigan bemorlarni davolashda ishlatadigan noyob doridan foydalanish imkoniga ega bo`ladilar.
