AQSh prezidenti Donald Tramp AQSh ham Germaniyadan o`rnak olishi va yangi turdagi koronavirusni tarqatgani uchun Xitoydan kompensasiya talab qilishini istisno qilmaydi. Bu haqda Oq Uyda bo`lgan matbuot konferensiyasidagi bayonotga tayangan holda Milliy matbuot markazi ma`lum qiladi.
Trampning so`zlariga ko`ra, AQShda Xitoydan pandemiya uchun haq talab qilish bo`yicha Germaniyadan yaxshiroq usuli bor.
Prezidentning ta`kidlashicha, AQSh holatni yaxshilab o`rganganidan so`ng kompensasiya miqdori Germaniya so`ragandan ancha ko`p bo`ladi.
Eslatib o`tamiz, avvalroq Germaniya Xitoy hukumatidan koronavirus pandemiyasi uchun 130 mlrd evro kompensasiya talab qilgandi.
