«Adolat» partiyasi Toshkent shahar kengashi xodimlari va deputatlari Respublika qon quyish markazidagi qonga muxtoj bemorlar uchun donor sifatida qon topshirishdi.
" - Bugungi tahlikali kechayotgan kunlarimizda bir-birimizga yordam berish, elkadosh bo`lib suyash har qachongidan ham muhim hayotiy zaruriyatga aylandi. Har birimizning qalbimizdan chiqayotgan ezgulik nuri savobli ishlarimizni yanada ko`paytirishga chorlamoqda, desak aslo mubolag`a bo`lmaydi, - deydi partiyaning Toshkent shahar Kengashi matbuot kotibi Mehriniso BOBONAZAROVA. - Xususan, O`zbekiston «Adolat» SDP Toshkent shahar Kengashi xodimlari va deputatlari ham yuqorida tilga olingan xayr-sahovatli ishlarni yo`lga qo`yish borasida tinimsiz harakatdalar. Bu ham xayrli ishlarning bitta ko`rinishi, insonlarga yaxshilik ulashishning kichik bir ulushidir. Barchamizga ana shunday go`zal ishlar, muruvvatli bo`lish nasib etaversin, illo!
