«Адолат» партияси Тошкент шаҳар кенгаши ходимлари ва депутатлари Республика қон қуйиш марказидаги қонга мухтож беморлар учун донор сифатида қон топширишди.
" - Бугунги таҳликали кечаётган кунларимизда бир-биримизга ёрдам бериш, елкадош бўлиб суяш ҳар қачонгидан ҳам муҳим ҳаётий заруриятга айланди. Ҳар биримизнинг қалбимиздан чиқаётган эзгулик нури савобли ишларимизни янада кўпайтиришга чорламоқда, десак асло муболаға бўлмайди, - дейди партиянинг Тошкент шаҳар Кенгаши матбуот котиби Меҳринисо БОБОНАЗАРОВА. - Хусусан, Ўзбекистон «Адолат» СДП Тошкент шаҳар Кенгаши ходимлари ва депутатлари ҳам юқорида тилга олинган хайр-саҳоватли ишларни йўлга қўйиш борасида тинимсиз ҳаракатдалар. Бу ҳам хайрли ишларнинг битта кўриниши, инсонларга яхшилик улашишнинг кичик бир улушидир. Барчамизга ана шундай гўзал ишлар, мурувватли бўлиш насиб этаверсин, илло!
