Qashqadaryo viloyati, G`uzor tumani, Mustaqillik ko`chasida “Lasetti” va asfalt yotqizish mashinasi ishtirokida YTH sodir bo`lgan, natija bir kishi halok bo`lgan. Bu haqda O`zbekiston IIV YHXBB Axborot xizmati xabar qiladi.
YTH joriy yilning 4 may kuni soat 21:20larda yuz bergan. “Lasetti” haydovchisi 1989 yilda tug`ilgan A.S. avtomobilini yuqori tezlikda boshqarib ketayotib, yo`lning o`ng chetida to`xtab turgan, harakatda bo`lmagan “Yo`l qurilish unitar” korxonasiga tegishli bo`lgan asfalt yotqizish mashinasiga urilgan.
Haydovchi A.S. olgan og`ir tan jarohatlari oqibatida shifoxonada vafot etgan. Ushbu transport vositasi yo`lovchisi 1986 yilda tug`ilgan A.P. esa tan jarohati bilan shifoxonaga yotqizilgan.
Mazkur YTH yuzasidan G`uzor tumani IIB TB tomonidan surishtiruv ishlari olib borilmoqda.
Foto: IIV YHXBB Axborot xizmati
