Sog`liqni saqlash vazirligi xabar qilishicha, 2020 yil 27 may soat 23:30 holatiga ko`ra, O`zbekistonda koronavirus infeksiyasi qayd etilganlar soni 3369 nafarni tashkil etmoqda.
Bugun soat 16:30da bemorlar soni 3355 nafar edi, yaqin soatlarda ular 14 nafarga ko`paygan.
"Yangi kasallanish holatlarining 7 nafari Buxoro viloyatida aholi orasida (Shofirkon tumanidagi bitta oila a`zolari) aniqlangan. Mazkur holat ushbu viloyatga koronavirus infeksiyasi qaytganini ko`rsatmoqda. Shuningdek, 5 nafari Toshkent shahrida aholi orasida aniqlangan. 2 nafari esa Toshkent viloyatidan (1 nafari xalqaro yuk tashuvchi avtomashina haydovchisi, yana 1 nafari aholi orasidan aniqlangan)" deyiladi vazirlik xabarida.
Ayni paytda yurtimizda 2668 nafar koronavirus infeksiyasiga chalingan fuqarolar butunlay sog`aydi. Hozirda 687 nafar bemor davolanmoqda. Ulardan 1 nafari o`ta og`ir ahvolda, 3 nafari esa og`ir ahvolda.
Virusdan vafot etganlar 14 kishiga etdi.
