Amerika Qo`shma Shtatlarida koronavirus pandemiyasi ta`sirida oziq-ovqat narxlari o`sish sur`ati tezlashgan. Aprel natijalariga ko`ra, oziq-ovqat mahsulotlari oyiga o`rtacha 2,6 foizga oshgan.
Xususan, mol va parranda go`shti, baliq va tuxum narxlari o`rtacha 4,3 foizga, yormalar va non mahsulotlari 2,9 foizga qimmatlagan. Sut va sut mahsulotlari, shuningdek meva-sabzavotlar narxi 1,5 foizga yuqorilagan. Mazkur ko`rsatkichlar mamlakatda oxirgi 46 yildagi eng katta o`sish sifatida qayd etildi.