Hindiston Bosh Vaziri Narendra Modi AQSh prezidenti Donald Trampning G7 sammitida qatnashish bo`yicha taklifini qabul qildi, deya xabar bergan Hindiston Tashqi ishlar vazirligi.
Modi bilan telefon orqali bo`lib o`tgan suhbat chog`ida Tramp G7 sammitiga AQShning raisligi va bu sammit ishtirokchilarini ko`paytirish haqidagi fikrlarini bayon etgan hamda Hindistonni ham bu yig`ilishga taklif etgan. Modi bu taklifni qabul qildi va sammitda qatnashishini aytdi.
2 iyun kuni berilgan bayonotda aytilishicha, Modi Trampning “uzoqni ko`ra bilishi va kreaktivligi”ni maqtagan.
“Bosh Vazir Hindiston AQSh va boshqa mamlakatlar bilan birga bu sammitda qatnashishidan xursand bo`lishini aytdi” deyiladi bayotnotda.
Eslatib o`tamiz, 30 iyun kuni AQSh prezidenti Donald Tramp iyunda o`tkazilishi kerak bo`lgan G7 sammitini sentabrga qoldirganini va sammit ishtirokchilarini ko`paytirishini aytgandi.Tramp yana to`rtta davlatni-Rossiya, Hindiston, Janubiy Koreya va Avstraliyani bu sammitga taklif qilishini ma`lum qilgan.