my5
all

Prezident: "Bizda 1-kursda umumiy fanlar o`qitilib, maktab dasturi qaytariladi. Yoshlar bir yil umrini yo`qotib, qiziqishi so`nib ham qoladi"

Jamiyat 07.06.2020, 01:04
624
Prezident: "Bizda 1-kursda umumiy fanlar o`qitilib, maktab dasturi qaytariladi. Yoshlar bir yil umrini yo`qotib, qiziqishi so`nib ham qoladi"

6 iyun kuni davlat Prezident Shavkat Mirzziyoev Farg`ona shahridagi O`zbekiston-Koreya xalqaro universitetida bo`ldi.

Mazkur ta`lim muassasasi Vazirlar Mahkamasining 2019 yil 23 avgustdagi qaroriga muvofiq tashkil etilgan. Bu erda o`qitish to`lov-kontrakt asosida ilg`or o`quv rejalari va dasturlari bo`yicha o`zbek, koreys va ingliz tillarida olib boriladi.

Universitet 4000 talabani qabul qilish imkoniyatiga ega. Tugayotgan o`quv yilida birinchi kursda 720 nafar yigit-qiz ta`lim oldi. Koreya Respublikasidan 11 nafar tajribali pedagog jalb qilingan bo`lib, kelgusida 43 nafarga etadi.

Joriy yilda mazkur xalqaro ta`lim dargohi uchun yangi bino qurildi. Buning uchun 10 million dollardan ziyod xorijiy investisiya jalb etilgan.

Shavkat Mirziyoev universitet rektori va koreyalik o`qituvchilar bilan o`quv dasturi va mazmuni, yoshlarning fanlarni o`zlashtirishi suhbatlashdi.

"Bizda 1-kursda umumiy fanlar o`qitilib, maktab dasturi qaytariladi. Yoshlar bir yil umrini yo`qotib, qiziqishi so`nib ham qoladi. Rivojlangan davlatlarda bunday emas, birinchi yildan mutaxassislik fanlariga o`tib, amaliyotga muhim o`rin beriladi. Natijadagi farqni hayot ko`rsatib turibdi", — dedi Shavkat Mirziyoev.

Шарҳлар