Joriy yilning 8 iyun kuni soat 23:00 dan Toshkentdagi ayrim ko`chalar yopiladi, deya xabar bermoqda Toshkent shahar hokimligi.
Jumladan Farg`ona yo`li va Kichiq xalqa yo`li ko`chalari kesishmasidan Farg`ona yo`li ko`chasining 8 mart ko`chasi bilan kesishmasigacha bo`lgan avtomobil yo`lining bir tomonida rekonstruksiya ishlari boshlangan.
Shuningdek, Farg`ona yo`li ko`chasining Muxtor Ashrafiy ko`chasi bilan kesishmasidan Jarqo`rg`on ko`chasi kesishmasiga bo`lgan oraliqdagi ko`prikning bir tomonlama harakatlanish qismida ham rekonstruksiya ishlari bajarilishi aytilmoqda.
Haydovchilarga yuzaga kelishi mumkin bo`lgan tirbandliklarning oldini olish maqsadida aylanma yo`llardan foydalanish tavsiya etiladi. Keltirilgan noqulayliklar uchun uzr so`raymiz, deyiladi xabarda.
