Bosh prokuratura huzuridagi Departamentning Sergeli tumani bo`limi tomonidan tadbirkorlik sub`ektlarining qonuniy va huquq manfaatlari himoyasini ta`minlash yuzasidan o`tkazilgan tergovga qadar tekshiruv o`tkazdi. Bu haqda Bosh prokuratura Darakchiga xabar bermoqda.
Tekshiruv davomida, fuqaro D.I. “Z.F.” MChJ rahbari J.M.ning ishonchiga kirib, 10 mlrd so`mlik ko`p qavatli turar-joy binolarini qurishda tender g`olibi bo`lganligini, uni ushbu qurilishga jalb etishi haqida va`dalar berib, 112 mln so`mlik 112 bosh chorva mollarini firibgarlik yo`li bilan qo`lga kiritganligi aniqlangan.
Mazkur holat yuzasidan D.I.ga nisbatan Jinoyat kodeksining 168-moddasi 3-qismi bilan jinoyat ishi qo`zg`atilib, tergov harakatlari o`tkazilmoqda.
