"Ulug`"ning "Malibu"sini yoqvorgan ayol qo`lga olindi

Jinoyat 19.06.2020, 14:40
"Ulug`"ning "Malibu"sini yoqvorgan ayol qo`lga olindi

Kecha, 18 iyun kuni ijtimoiy tarmoqlarda no`malum shaxs tomonidan yoqib yuborilgan Malibu-2 avtomashinasining videosi tarqalib, keng muhokama qilingani haqida xabar bergan edik.

Toshkent viloyati va poytaxt IIBB xodimlari tomonidan hamkorlikda olib borilgan tezkor surushtiruv ishlari davomida Malibu2ʼ ni yoqib yuborganlikda gumonlangan va unga aloqador bo`lgan shaxc aniqlanib, ushlandi.

Tafsilotlarga ko`ra, 2020 yilning 1 iyun “LESSOR CAR” MChJ rahbari Bahodir N. tanishi 38 yoshli Ulug`bek M.ga davlat raqam belgisi 01 757 MDA bo`lgan Malibu2ʼ avtomashinasini sotib berishini so`rab, undan 5 million so`m boshlang`ich badal mablag`i oladi. Shunday so`ng, 2 iyun kuni vaqtincha Mirzo Ulug`bek tumanida yashovchi gulistonlik 1994 yilda tug`ilgan Z.B. (ayol) tanishi Ulug`bek M.dan shaxsiy ishi yuzasidan mazkur avtomashina ma`lum muddatga kerakligini so`rab, olib ketib qaytarib olib kelib bermaydi.

Shunday so`ng kecha, 2020 yilning 18 iyun kuni soat taxminan 04:30 larda Toshkent tumani Fayzobod MFY hududida joylashgan fermer xo`jaligi dala maydoni yaqinida, o`zganing mulkini qasddan nobud qilish maqsadida “LESSOR CAR” MChJ balansidagi 2019 yilda ishlab chiqarilgan qora rangli Malibu2ʼ rusumli avtomobilni yoqib yuborib, nobud qilgan.

Hozirda mazkur holat yuzasidan Toshkent tumani IIB TB tomonidan fuqaro Z.B.ga nisbatan O`zbekiston Respublikasi JKning 173-moddasi 2-qismi «v» bandi, JKning 227-moddasi 1-qismi bilan qo`zg`atilgan, dastlabki tergov harakatlari olib borilmoqda.

Sharhlar

Ob-havo: Toshkent
Valyuta kursi
1