Namangan viloyati hokimining shu yil 19 iyundagi farmoyishi bilan Payziev Xurshidbek Komiljonovich viloyat hokimligi axborot xizmati rahbari lavozimiga tayinlandi. Bu haqda hokimlikning rasmiy telegram kanali ma`lum qildi.
Xurshidbek Payziev 1985 yili Namangan viloyatining Chust tumanida tug`ilgan. NamDUning tarix fakulteti ijtimoiy – madaniy faoliyat yo`nalishini tamomlagan. Namangan shahar hokimligining “Namangan sadosi” gazetasida muxbir, “Ma`rifat gulshani” gazetasida muharrir vazifalarida ishlagan.
Mazkur lavozimga tayinlangunga qadar esa O`zbekiston XDP Namangan viloyat kengashining ijtimoiy-siyosiy nashri “Xalq irodasi” gazetasining bosh muharriri lavozimida ishlab kelayotgan edi.
Ma`lumot uchun: Viloyat hokimining axborot xizmati rahbari bir vaqtning o`zida hokimning axborot siyosati masalalari bo`yicha maslahatchisi hisoblanadi.
