2020 yil 28 iyun kuni soat 12:10 larda, Norin tumanida yashovchi, 2004 yilda tug`ilgan, tumandagi 15-sonli maktabning 9-sinf o`quvchisi, birga yashovchi onasining nomida bo`lgan Damas rusumli avtomashinasini boshqarib borayotib, harakat xavfsizligini ta`minlay olmay, o`zidan oldinda ketayotgan piyodalar, Norin tumanida yashovchi, 1982 yilda tug`ilgan, 1976 yilda tug`ilgan, 1977 yilda tug`ilgan uch nafar ayollarni urib yuborgan. Bu haqda Namangan viloyati IIB Axborot xizmati xabar bermoqda.
Natijada, piyodalar og`ir tan jarohati olib, bir nafari voqea joyida vafot etgan. Ikki nafari turli xil darajadagi tan jaroxatlari bilan shifoxonaga yotqizilganlar.
Ushbu holat bo`yicha tuman IIB TB tomonidan 2020 yil 28 iyun kuni O`zbekiston Respublikasi JKning 266-moddasi 2-qismi bilan jinoyat ishi qo`zg`atilgan.
