Samarqand shahri hududida o`tkazilayotgan “Qoradori-2020” tezkor-profilaktik tadbiri davomida Samarqand shahri bo`yicha IIO FMB 5-son IIB JQB xodimlari tomonidan Samarqand shahar B.I.Yo`li ko`chasida yashab kelayotgan, 1992 yilda tug`ilgan F.P. ning yashash manzilida “Tintuv” tergov harakati o`tkazildi. Bu haqda Samarqand viloyati IIB axborot xizmati xabar bermoqda.
Tadbir davomida ushbu fuqaroning xonadonidan bir o`ramda (pachkada) 5 (besh dona), “Lirika” nomli preparat, shu bilan birga tarkibida psixotrop moddalar bo`lishi mumkin bo`lgan boshqa turli preparatlar, 9 (to`qqiz) dona 1.5 smdan, 0.5 smgacha bo`lgan har xil o`lchamdagi to`q malla rangli giyohvandlik vositasiga o`xshash o`tkir xidli moddalar, giyohvandlik vositasi iste`mol qilishda ishlatilgan bo`lishi mumkin bo`lgan elim idish (baklajka)lar va boshqa daliliy ashyolar topilib tegishli tartibda xolislar ishtirokida hujjatlashtirib olindi.
Samarqand viloyat IIB Ekspert kriminalistika bo`limiga tekshirib ko`rish uchun yuborilgan mazkur preparatlar umumiy sof og`irligi 5.83 gramm bo`lgan “Gashish” giyohvandlik moddasi hamda umumiy sof og`irligi 1.5 grammga teng bo`lgan 5 dona kapsula tarkibida “Lirika” psixotrop moddasi ekanligi aniqlangan.
Shuningdek, ushbu xonadondan topilgan “Tropikamin” preparati va boshqa tarkibida psixotrop moddalar bo`lishi mumkin bo`lgan preparatlar tekshirib ko`rish uchun O`zbekiston Respublikasi IIV EKBga yuborilgan.
Holat yuzasidan fuqaro F.P.ga nisbatan Samarqand shahri bo`yicha IIO FMB huzuridagi Tergov bo`limi tomonidan O`zbekiston Respublikasi Jinoyat kodeksining 276-moddasi (Giyovandlik vositalari, ularning analoglari yoki psixotrop moddalarni o`tkazish maqsadini ko`zlamay qonunga xilof ravishda tayyorlash, egallash, saqlash va boshqa harakatlar) 2-qismi "a" bandi bilan jinoyat ishi qo`zg`atilib tergov harakatlari olib borilmoqda.
