Buxoro viloyati G`ijduvon tumanida yashovchi 35 yoshli ayol D.Sh. joriy yil 1 iyul kuni koronavirus infeksiyasiga gumon qilinib, Buxoro viloyati yuqumli kasalliklar shifoxonasining reanimasiya bo`limiga yotqizilgan.
Unga “Ikki tomonlama pnevmoniya, o`tkir nafas etishmovchiligi 3-daraja, semizlik 2-daraja” tashxisi qo`yilgan.
Shifokorlar tomonidan standartlar asosida o`tkazilgan tezkor reanimasion muolajalarga qaramasdan bemor o`tkir nafas va yurak etishmovchiligidan vafot etdi. Bu haqda SSV matbuot xizmati xabar berdi.
Eslatib o`tamiz, bu kunning ikkinchi o`limidir. Bugun poytaxtimizda yashovchi 65 yoshli erkak ham vurusdan vafot etgandi.