Jizzaxda "Neksiya" hamda "Damas" rusumli avtomobillar to`qnashib ketgan. Oqibatda “Damas” yo`lovchilari 42 yoshli E.S. va 47 yoshli Sh.E.lar tan jarohati olib, hodisa joyida vafot etgan. “Neksiya” haydovchisi 35 yoshli B.R. yo`lovchisi 28 yoshli F.A. va 15 yoshli B.N.lar G`allaorol tuman tibbiyot birlashmasining jonlantirish bo`limiga yotqizilgan.
O`zbekiston IIV huzuridagi Tergov departamenti xabariga ko`ra, YTH shu yilning 2 iyul kuni soat 15:00 larda G`allaorol tumani Oqtom MFY hududidan o`tgan 4R-40 “G`allaorol-O`smat” yo`lining 40 km.da yuz bergan.
Aniqlanishicha, “Neksiya” haydovchisi avtomobil boshqaruvini yo`qotib, qarama-qarshi yo`nalishda harakatlanib kelayotgan “Damas” ga urilgan.
Mazkur holat yuzasidan G`allaorol tumani IIB huzuridagi Tergov bo`linmasi tomonidan JKning 266-moddasi 3-qismi “a” bandi (odamlar o`limiga sabab bo`lgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo`zg`atilib, dastlabki tergov harakatlari olib borilmoqda.
Foto va video:
