Жиззахда "Нексия" ҳамда "Дамас" русумли автомобиллар тўқнашиб кетган. Оқибатда “Дамас” йўловчилари 42 ёшли Э.С. ва 47 ёшли Ш.Э.лар тан жароҳати олиб, ҳодиса жойида вафот этган. “Нексия” ҳайдовчиси 35 ёшли Б.Р. йўловчиси 28 ёшли Ф.А. ва 15 ёшли Б.Н.лар Ғаллаорол туман тиббиёт бирлашмасининг жонлантириш бўлимига ётқизилган.
Ўзбекистон ИИВ ҳузуридаги Тергов департаменти хабарига кўра, ЙТҲ шу йилнинг 2 июль куни соат 15:00 ларда Ғаллаорол тумани Оқтом МФЙ ҳудудидан ўтган 4Р-40 “Ғаллаорол-Ўсмат” йўлининг 40 км.да юз берган.
Аниқланишича, “Нексия” ҳайдовчиси автомобиль бошқарувини йўқотиб, қарама-қарши йўналишда ҳаракатланиб келаётган “Дамас” га урилган.
Мазкур ҳолат юзасидан Ғаллаорол тумани ИИБ ҳузуридаги Тергов бўлинмаси томонидан ЖКнинг 266-моддаси 3-қисми “а” банди (одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, дастлабки тергов ҳаракатлари олиб борилмоқда.
Фото ва видео:
