Bugun 5-iyuldan kasb-hunar maktablariga qabul boshlandi. Bu haqda Oliy va o`rta maxsus ta`lim vazirligi matbuot xizmati xabar berdi.
Davlat komissiyasi majlisining 2020 yildagi 1-son bayoniga muvofiq 2020 yil 5 iyuldan 20 iyulga qadar kasb-hunar maktablariga kasb-hunar egallash istagida bo`lgan 9-sinf bitiruvchilarining hujjatlari onlayn qabul qilinadi.
2020/2021 o`quv yili uchun kasb-hunar maktablariga 9-sinf bitiruvchilarining hujjatlarini qabul qilish jarayonlari onlayn tarzda kasb.edu.uz elektron platformasi orqali amalga oshiriladi.
9-sinf bitiruvchilari quyidagi hujjatlarni topshiradilar:
👉 Elektron ariza
👉 Umumta`lim maktabining 9-sinfni tugatganligini tasdiqlovchi shahodatnoma (elektron) nusxasi.
👉 3x4 fotosurat
Kasb--hunar maktablarida quyidagi ishchi kasblar bo`yicha kadrlar tayyorlanadi:
🔹 tikuvchi;
🔹chilangar;
🔹issiqxona va parnik xo`jaligi laboranti;
🔹avtomobillarni ta`mirlash chilangari;
🔹oshpaz;
🔹qandolatchi;
🔹asalarichi.
Kasb-hunar maktablarining afzalligi, bu erda 2 yil davomida umumta`lim va mutaxassislik fanlari integrasiyalashgan dasturlari asosida o`qitiladi. O`quvchiga o`zi tanlagan kasb bo`yicha bilim beriladi.
‼️Fuqarolar Oliy va o`rta maxsus ta`lim vazirligida professional ta`lim muassasalariga qabul jarayonlari bo`yicha tashkil etilgan “Call markaz”ga qo`ng`iroq qilib, o`zlarini qiziqtirgan barcha savollarga javob olishlari mumkin.
Telefon: (71) 246-11-92