Bosh prokuratura huzuridagi Departamentning Farg`ona viloyat boshqarmasi tomonidan tergovga qadar tekshiruv o`tkazildi, deya xabar bermoqda Bosh prokuratura Matbuot xizmati.
Unda muqaddam JKning 184-moddasi bilan 2 marta jinoiy javobgarlikka tortilgan fuqaro A.Z. va boshqalar 11 ta xo`jalik yurituvchi sub`ektlarni rasmiy va norasmiy boshqarishib, noqonuniy daromad orttirish maqsadida jamiyatlarning yuridik manzilini o`zgartirish orqali byudjetga to`lanishi lozim bo`lgan 8,3 mlrd so`m soliq va boshqa majburiy to`lovlarni to`lashdan qasddan bo`yin tovlab kelganliklari aniqlangan.
Mazkur holat yuzasidan fuqaro A.Z. va boshqalarga nisbatan Jinoyat kodeksining tegishli moddalari bilan jinoyat ishi qo`zg`atilib, tergov harakatlari o`tkazilmoqda.