Joriy yilning 5 iyul kuni ijtimoiy tarmoqda shaxsiy avtomashinasida xavfsizlik kamarini taqmasdan harakatlangan YPX xodimi tasvirlangan video lavha tarqaldi. Vaziyatga Ichki ishlar vazirligi Yo`l harakati xavfsizligi Bosh boshqarmasi befarq bo`lmadi.
Video lavha o`rganildi va "Yo`l harakati qoidalari"ning 9-bandida keltirib o`tilgan talablarni buzgan holda, ya`ni "Matiz" rusumli shaxsiy transport vositasida xavfsizlik kamarini taqmasdan harakatlangan Qashqadaryo viloyati IIB YHXB YPX inspektori Sh.Eshimovga nisbatan o`rnatilgan tartibda ma`muriy bayonnoma rasmiylashtirildi.
