Жорий йилнинг 5 июль куни ижтимоий тармоқда шахсий автомашинасида хавфсизлик камарини тақмасдан ҳаракатланган ЙПХ ходими тасвирланган видео лавҳа тарқалди. Вазиятга Ички ишлар вазирлиги Йўл ҳаракати хавфсизлиги Бош бошқармаси бефарқ бўлмади.
Видео лавҳа ўрганилди ва "Йўл ҳаракати қоидалари"нинг 9-бандида келтириб ўтилган талабларни бузган ҳолда, яъни "Матиз" русумли шахсий транспорт воситасида хавфсизлик камарини тақмасдан ҳаракатланган Қашқадарё вилояти ИИБ ЙҲХБ ЙПХ инспектори Ш.Эшимовга нисбатан ўрнатилган тартибда маъмурий баённома расмийлаштирилди.
