Avval xabar qilinganidek, «Probest » moliyaviy korporasiyasi Koreya davlatida bo`lib turgan 100 nafar O`zbekiston Respublikasi fuqarolari uchun 13 oy davomida hech qanday to`lovlarsiz, keyinchalik uzaytirish imkoniyati bo`lgan tibbiy sug`urta bo`yicha homiylik qiladi.
Sug`urta polisi Tashqi mehnat migrasiyasi agentligining Kvangju shahridagi vakolatxonasi tomonidan tavsiya etilgan shaxslarga rasmiylashtiriladi.
1-bosqichda har bir fuqaro uchun taxminan 150 ming vondan 200 ming vongacha mablag` sarflanishi ko`zda tutilgan.
Mazkur sug`urta polisini rasmiylashtirish uchun Vakolatxonaga fuqarolar pasport, ID karta va bank hisob raqami kitobchasi bilan kelishi zarur.
Sug`urta bo`yicha Vakolatxonaning quyidagi telefon raqamlariga murojaat etishingiz mumkin:
☎️ 062 962 0201 (rus tilida),
☎️ 070 4252 2772 (o`zbek tilida).
