Boliviyaning vaqtinchalik prezidenti Janin Aniez ham koronavirus kasaliga chalindi. Bu haqida siyosatchi o`zining Twitter ijtimoiy tarmog`ida yozib qoldirdi. Uning so`zlariga ko`ra, xozirda u o`zini yaxshi xis etmoqda va izolyasiya rejimida masofadan turib ishlashda davom etadi. Bu haqda Uzreport yozmoqda.
"Oxirgi paytda juda ko`pchilik infeksiyani yuqtirgani aniqlandi. Shuning uchun men ham test topshirishga qaror qilgan edim. Afsuski menda ham virus borligi tasdiqlandi. 2 xaftadan keyin men qayta test topshiraman va ungacha uydan turib ishlayman” dedi Aniez.
Aniez ilgari Boliviya parlamentining ikkinchi vise-spikeri lavozimida faoliyat yuritgan. Davlatning sobiq rahbari Evo Morales norozilik namoyishlari tufayli mamlakatdan qochib ketganidan keyin u vaqtinchalik prezident lavozimiga tayinlandi. 3 mayda bo`lib o`tishi rejalashtirilgan prezidentlik saylovlari pandemiya tufayli sentyabr oyiga qoldirildi.