Avval xabar berganimizdek, bugun AOKA huzuridagi shtabda bo`lib o`tgan brifingda Koronavirusga qarshi shtab a`zosi Habibulla Oqilov bir qator dolzarb savollarga javob qaytardi:
«Respublikamizdagi epidemiologik vaziyat yomonlashgani sabab karantin talablari yana kuchaytirildi. Bu oziq-ovqat tanqisligiga olib kelmaydimi?»
- O`zbekistonda oziq-ovqat ishlab chiqarish sanoatida 12 mingdan ortiq muassasa faoliyat yuritadi. Bugungi kunda ularning barchasi kundalik me`yorda ishlab turibdi. Davlatimizda oziq-ovqat ishlab chiqarish 98% mahaliylashtirilgan. Xomashyoning deyarli 100 foizi o`zimizda etishtiriladi. Chet ellardan asosan sitrus mahsulotlar, kakao va qahva donlari import kilinadi, xolos.
