Аввал хабар берганимиздек, бугун АОКА ҳузуридаги штабда бўлиб ўтган брифингда Коронавирусга қарши штаб аъзоси Ҳабибулла Оқилов бир қатор долзарб саволларга жавоб қайтарди:
«Республикамиздаги эпидемиологик вазият ёмонлашгани сабаб карантин талаблари яна кучайтирилди. Бу озиқ-овқат танқислигига олиб келмайдими?»
- Ўзбекистонда озиқ-овқат ишлаб чиқариш саноатида 12 мингдан ортиқ муассаса фаолият юритади. Бугунги кунда уларнинг барчаси кундалик меъёрда ишлаб турибди. Давлатимизда озиқ-овқат ишлаб чиқариш 98% маҳалийлаштирилган. Хомашёнинг деярли 100 фоизи ўзимизда етиштирилади. Чет эллардан асосан цитрус маҳсулотлар, какао ва қаҳва донлари импорт килинади, холос.
