11 iyul kuni ertalab taxminan soat 06:30 da Shayxontohur tumanidagi Bunyodkor va Seul ko`chalari kesishmasida «Lacetti» rusumli avtomobil haydovchisi Mahmud U. hozircha noma`lum bo`lgan sabablarga ko`ra transport vositasining boshqaruvini yo`qotib qo`ygan. Natijada ko`prikdagi temir to`siqqa urilgan va to`siqni sindirib «Bo`rijar» kanaliga tushib ketgan. YTH natijasida avtomobil haydovchisi voqea joyida hayotdan ko`z yumdi. Bu haqda IIV sayti yozmoqda.
"Marhumning yaqinlariga chuqur ta`ziya izhor etamiz. YTH sababi aniqlanmoqda" deyiladi xabarda.
