Bugun AQSh prezidenti Donald Tramp ilk bor odamlar oldida tibbiy niqobda ko`rinish berdi. Pandemiya boshlangandan beri necha oy o`tgan bo`lsa u hech bir chiqishida niqob taqmagandi. Bu haqda BBC yozdi.
"Men hech qachon niqob taqishga qarshi bo`lmaganman. Lekin, niqob taqishning o`z vaqti va joyi bor, deb hisoblayman", – deb aytgan Donald Tramp Uolter Rid nomidagi harbiy gospitalga tashrifi oldidan.
Bundan ikki hafta avval prezident atrofidagi mulozimlari muntazam ravishda COVID-19 testidan o`tishi va shu sabab niqob taqishga ehtiyoj sezmasligini aytgandi.
AQShda bugunga qadar 3 375 387 kishi virusga chalingan, 137 48 nafar bemor vafot etgan. Bir kunda virusga chalinganlar soni 70 mingga yaqinlashmoqda.
